طبعا كلنا سمعنا عن نكتة العلاوه أم 30 % فى عيد العمال..
ونظرا للفارق الكبير بين تاريخ عيد العمال وعيد ميلاد صاحبنا بتاع 3 سنين فرق.
اتبدل الحال والأسعار العالميه زادت زى ما انتوا عارفين طبعا.
فى عيد العمال علاوه 30 %.
وبعد ما الرئيس أكل الترته وطفى الشموع ، جاله تليفون من بره يعنى من دول الخارج ان أسعار البنزين زادت .
ممكن زادت علشان بعت حبه لأخواننا فى غزه ( لا يا حسره ) بس زاد علشان الأسعار العالميه.
نص قرار الزياده..
قدمت لجنة الخطة والموازنة تقريرًا إلى مجلس الشعب يُناقَش بعد قليل برفع أسعار البنزين والسولار وكافة أنواع المحروقات والغاز الطبيعي والبوتاجاز بنسبٍ تتراوح بين 40 و50%، إضافةً إلى فرض ضرائب جديدة على السيارات ووسائل النقل ورفع أسعار تذاكر المواصلات؛ حيث سيُرفَع سعر لتر البنزين (92) من 140 قرشًا إلى 185 قرشًا، والبنزين (90) من 130 قرشًا إلى 175 قرشًا، والبنزين (80) من 80 قرشًا إلى 110 قروش.
" عفوا دى بركة العلاوه.. الشئ لزوم الشئ "
يعنى الى فى بين السرايات وعاوز يروح الجيزه يعنى جنيه يبقى كويس.
هذه الزيادات جاءت ضمن اقتراحات لجنة الخطة والموازنة التي يرأسها أمين تنظيم الحزب الوطني المهندس أحمد عز، وتعرض على المجلس تقريرًا عن كيفية تدبير الموارد المالية بنسبة 30%، وهي الزيادة التي أعلن عنها الرئيس مبارك لرفع الغلاء عن المواطنين!!
يُذكر أن هناك معلومات سرَّبتها وزارةُ المالية أنها لا تستطيع سوى توفير 5 مليارات جنيه لتغطية هذه الزيادة التي تُقدَّر بـ12 مليار ونصف.
انتوا عارفين مشكلتنا ايه ان احنا عاوزين الحكومه تجيب لينا كل حاجه وهى غلبانه واحنا بتبلى عليها علشان ملهاش ظهر حرام عليكم..
اليوم شهدت محطات البنزين تزاحم وتكدس شديد أمامها والكل معترض على قرار الزياده.
.أخيرا أتقدم بخالص العزاء فى الحاجه العلاوه والحاج أبو علاوه.
